اسهل الطرق لكليه الهندسه

بسم لله الرحمن الرحيم

احب انبه اخواتى واختى الطلاب الذين لم يشا لهم لقدر بدخول كليه الهندسه من المعهد
واقوله لا تياس
لسه باب الامل قدامك وهيبقى اسهل من المعهد باذن الله
والباب ده اسمه

معادله كليه الهندسه
وانا هشرحلكم يعنى ايه معادله وكيفيه الالتحاق بها وكل شى باذن الله

1_ من له الحق بدخول معادله كليه الهندسه
الحاصلون على دبلوم الصنايع
والمعاهد الصناعيه
بشرط ان لا يكون مر على زمن تخرجه اكثر من ثلاث سنوات

2_ مواد المعادله
بالنسبه لطلبه الدبلومات الصناعيه هيدرسم 5 مواد وهم كالاتى:
1_رياضه 1 ورياضه 2 (دول ف كتاب واحد)
وبتمتحن كل ماده ف يوم رياضه واحد ف يوم ورياضه 2 ف يوم تانى

2_ميكانيكا (الكتاب مقسم من الداخل الى استاتيكا وديناميكا ولكن بتمتحنها ف يوم واحد وليس كالرياضه 1و2 )

3_فيزياء

4_لغه انجليزيه

يبقى كده عندكم 5 مواد
وهما فى غايه السهوله لانك بتكون عندك خلفيه بيهم ماعدا الفيزياء طبعا
وهى ماده الفيزياء الخاصه بالمرحله الثانيه للثانويه العامه يعنى ممكن تاخد درس فيها مع طلبه الثانويه

اما بالنسبه للمواد اللى بيدرسها طلبه المعاهد فهى مثل ماسبق ماعدا اللغه الانجليزيه لاتدرس للمعاهد لكى يكون تمييز بالسنتين الدراسه الفرق بينك وبين الدبلوم

3_كيفيه التقديم للمعادله
الموضع سهل جدا وانا مش متذكر بصراحه الورق المطلوب لكن خد اصول وصور الاوراق التاليه (شهاده التخرج_شهاده الميلاد_البطاقه_صورشخصيه)
وهما هيطلعوا على الاصل وهتخدهم تانى وهيخدم منك الصور
والتقديم بيكون فى كليه الهندسه جامعه القاهره فى منتصف او اواخر شهر سبعه من كل سنه
ولا يشترط ايام معينه لانك ممكن تقدم قبل الامتحان بيوم عادى جدا

4_وقت ومكان الامتحان
الامتحان بيكون بعد ما الدبلومات و المعاهد بتخلص امتحانات يعنى فى اواخر شهر 8 من كل سنه يعنى سنه 2010 كان الامتحان يوم 22/8
اما مكان الامتحان فبيكون ف جامعه القاهره نفسها

5_معلومات اخرى هامه جدا
شروط النجاح ف المعادله مش انك تجيب امتياز وكده ف كل ماده لا طبعا فهى اسهل مايمكن
وشروط النجاح انك تجتاز كل ماده حتى لو بمقبول يعنى 50%
يعنى لو حصلت على نص مجمع كل ماده كده انت نجحت وتقدر تدخل كليه الهندسه
شفت بقى الموضوع سهل ازاى بس خد بالك متعملش حسابك على انك تجيب نص الدرجه خلى طموحك اكبر من كده علشان لاقدر الله لو حصل ومحلتش تكون ناجح مش تقول انا هذاكر نص كل ماده وادخل امتحن وخلاص لا كده هتجيب اقل من نص الماده
حاجه كمان المعادله سهله قوى قوى للطالب اللى الفرصه لم تسمح له بدخول الكليه ولكن لديه حافز
وكمان عيزك تعرف ان امتحانات المعادله نمطيه بمعنى انها تشبه بعضها على مدار السنين باختلاف بسيط ف اسلوب طرح السؤال
وكل حاجه انتم عايزنها انا تحت امركم ف اى حاجه
وعلى فكره انا لسه بذاكر ف المعادله دى وهدخل الامتحان ان شاء الله السنه دى 2011
ود اخر فرصه ليا لان بعد السنه دى هيكون عدى على سنه حصولى على المعهد 4 سنين وده شرط كافى لعدم دخولى الامتحان كما ذكرت سابقا علما بانى خريج 2009 وهى تحسب معى تكون لدى انى ادخل اما 2009 او 2010 او 2011 وطبع من حقك انك تدخل الامتحان مرتين ورا بعض يعنى مثلا تدخل 2009 و2010
او 2010 /2011 مينفعش تدخل 2009/2011
وخد بالك من حاجه اوعى تكون متخرج مثلا 2009 وتقدم ف المعادله 2009 لان كده انت بتضيع على نفسك فرصه حلوه وانا هشرحلك لو انت دخلت 2009 وقدر الله منجحتش لانك هتكون مخلص امتحاناتك الاساسيه ف شه 6 مثلا هيبقى قدامك شهرين على امتحان المعادله وده وقت ضيق متعرفش تذاكر فيه وكمان هيقى اجبارى عليك انك تقدم تانى 2010 ل انت عايز تدخل بعد رسوبك اول مره
والنصيحه انك تعمل الاتى لو انت مخلص 2009 متقدمش ف المعادله سنه تخرجك وذاكر كويس وخد دروسك وظبط نفسك وقدم ف 2010 شوفت بقى عندك وقت قد ايه للمذاكره
وكمان لا قدر الله لو رسبت عندك فرصه انك تقدم 2011 مع العلم انك قعدت سنه تذاكر وكمان 2011 تعتبر سنه يبقى سنتين اظن كفايه قو سنتين على 4 مواد
يارب اكون قدرت اوصلكم كل المعلومات
ولو احتجتم اى استفسار انا تحت امركم
واسف انى طولت عليكم

» منهج الهندسه البحريه ( عام )