اريد استفسار وارجوا الرد

بسم الله الرحمن الرحيم
انا طالب منكم اى حد يعرفنى اية ظروف المعهد ازاى اقدم فية وهوة كام سنة والمصريف اد اية وهوة مستقبلة حلو ولا وبيحتاج مجموع كام فى الثانوية وفى سكن جامعى ولا لا للمغتربين وانواع المواد اللى بتدرسوها وهل هوة بياخد من قسم الادبى ولا لا ؟؟؟؟؟
ارجوا الرد باقسى سرعة لانى اريد الالتحاق بالمعهد
وجزاكم الله خير

مع خالص الشكر والاحترام

بسم الله الرحمن الرحيم

اهلا بيك زائرنا العزيز ونتمنى لك دوام النجاح والتوفيق
انا طالب منكم اى حد يعرفنى اية ظروف المعهد ازاى اقدم فية
التقديم ف المعهد بيكون فى مكتب التنسيق عادى جدا
وهتلاقى مكتوب ف استمارات الرغبات والمعاهد الصناعيه المتاحه لك
(ك_ت) المعهد الفنى الصناعى للمنشات البحريه
(ك_ت) اختصار للكليه التكلولوجيه

وهوة كام سنة والمصريف اد اية
المعهد ده بيمنحك شهاده بمؤهل فوق المتوسط والدراسه فييه سنتين
والمصاربف مش كبيره قوى لانه معهد حكومى وتقربيا لاتتجاوز 100 جنيه ف السنه والكتب طبعا خارج المصاريف
معلومه اضافيه
لو حصلت على تقدير جيدجدا او امتياز ف اول سنه بتاخد تانى سنه حوالى من 80 ل 120 جنيه علشان خاطر مجهودك

وهوة مستقبلة حلو ولا وبيحتاج مجموع كام فى الثانوية
اكيد طبعا مستقبله كويس لانه المعهد الوحيد على مستوى الجموريه المتعلق بالدراسه البحريه وكمان هو بيمنحك تسهيلات كتيره جدا ف استخراج الجواز البحرى(البسبور الاسود) وكمان بيعلى وظيفتك مثلا لو انت معاك المعهد اول مابتنزل على وظيفه ف البحر بتنزل كهربائى مش مساعد كهربائى ودى ميزه حلوه قوى لانك ممكن تتعب قوى لو انت وظيفتك مساعد كهربائى وعايز تترقى وتبقى كهربائى اما حكايه المجموع من الثانويه العامه فدى مققدرش افيدك فيها قوى لان كل سنه المجموع بيرفع بس انا على سنه التحاقى بالمعد كان بياخد من مجموع 60% من الثانويه علما بان التحاقى بالمعهد كان سنه 2007

وفى سكن جامعى ولا لا للمغتربين
دى بقى مش موجود سكن جامعى بس محلول الموضوع ده اكيد انت هتلاقى زمايل ليك برده بيدورو على سكن جامعى فممكن تتشاركوا مع بعضكم وتاجرم شقه مفروشه والموضوع مش صعب

وانواع المواد اللى بتدرسوها وهل هوة بياخد من قسم الادبى ولا لا ؟؟؟؟؟
انواع المواد الدراسيه ف دى على حسب تخصصك وشعبتك والمعهد بيضم شعبه
1_هندسه موانى
2_هندسه سفن
3_هندسه كهربيه ورادار
4_هندسه اللحام
وهتلاقى مواد مشتركه بين الاقسام كلها زى اللغه والرياضيات
وهتلاقى كل قسم له مواد تخصصيه تخص القسم نفسه على حسب القسم مثلا قسم الكهرباء بيدرس مواد كهربيه اتصالات والات والكترونيات كده يعنى والمواد مش صعبه على فكره
اما بقى موضوع الادبى والعلمى فدى مش هقدر افيدك فيها

اتمنى اكون قدرت اوصلك كل المعلومات اللى حضرتك عايزها واسف على تاخير الرد على الموضوع ولو حضرتك محتاج اى استفسار تانى ممكن تكتب استفسارك وانا هرد عليك ف اسرع وقت ممكن

ومع خالص الشكر والاحترام

جزاكم الله خير بس لو سمحت ياريت تعرفلى موضوع انة بياخد من القسم الادبى ولا لا سواء كان ازهر او تربية وتعليم
وكمان ازاى يعنى موجود فى مكتب التنسيق يعنى دا من ضمن الرغبات الموجودة فى مكتب التنسيق
وكمان عايز اعرف ازاى معهد شكل دا لة مميزات دى كلها ومفيش اقبال علية وناس كتير مش عارفاة ؟؟؟؟؟؟؟؟؟؟؟؟
جزكم الله خير بما تحب وترضى

وكمان عايز اعرف هوة فى شغل يعنى بعد ما تتخرجوا يعنى هما بيشغلوكوا ولا مفيش شغل ؟؟؟؟؟؟؟؟؟؟؟؟

لو سمحت ياريت تعرفلى موضوع انة بياخد من القسم الادبى ولا لا سواء كان ازهر او تربية وتعليم

اقول لحضرتك اللى اعرفه انه بياخد من الازهر وبعدين تقريبا هو بيقبل من الادبى طالما هو ضمن الرغبات عندك زى ما انت قولت يعنى انت بتجاوب على نفسك

وكمان ازاى يعنى موجود فى مكتب التنسيق يعنى دا من ضمن الرغبات الموجودة فى مكتب التنسيق
طبعا موجود ضمن الرغبان وانا قولت لحضرتك قبل كده هتلاقيه ف الرغبات مكتوب كده
(ك_ت) المعهد الفنى الصناعى للمنشات البحريه
وتعنى الكليه التكنولوجيه

وكمان عايز اعرف ازاى معهد شكل دا لة مميزات دى كلها ومفيش اقبال علية وناس كتير مش عارفاة
لانه متاسس جديد لسه وكل الناس معتاده على دخول معهد الفنى الصناعى العادى لانه منتشر ف جميع محافظات مصر

وكمان عايز اعرف هوة فى شغل يعنى بعد ما تتخرجوا يعنى هما بيشغلوكوا ولا مفيش شغل ؟؟؟؟؟؟؟؟؟؟؟؟
طبعا فيه شغل وكتير قوى بس انت لازم تسعى واتدور والشغل كتير حركه الملاحه عمرها ماكانت وقفه ف اى وقف

اتمنى اكون رديت على كل اسئلتلك واقدرت اوصلك المعلومه

متشكر جدا ياباش مهندس واكيد ان شاء الله هتبعك لما مكتب التنسيق يفتح
جزاك الله خير

ارجو يابشمهندس ان اعرف هل هناك سن معين للقبول بالمعهد

ارج سرعة الرد

لا يشترط سن معين لان مكتب التنسيق هو اللى مش هيقدر ياخد منك ورقك لو عدى عليك سنه
اما اذا كنت انت محول من اى كليه عادى لايشترط السن
ارجو ان اكون افدتك

» استفسار و ارجو الرد بسرعة
» استفسار عن المعهد
» استفسار عن سن القبول
» عاوز بس استفسار يا جمااااااااعه
» ارجو الرد بسرعة